Derbi i kryeqytetit italian mes Lazios dhe Romës solli tre kartonë të kuq, një triumf minimal për Lazion dhe një konflikt mes presidentit saj dhe trajnerit të Romës, Jose Mourinho.

Gjegjësisht, “Gazeta delo Sport” raporton se Lotito dhe Mourinho janë përplasur dhe shtyrë njëri-tjetrin në dhomën e zhveshjes pasi një lojtar i Lazios, Alessio Romagnoli, ka tejkaluar në festën e tij, transmeton lajmi.net.

Pas ndeshjes, Romagnoli festoi fitoren para zhveshtores së Romës dhe kjo e zemëroi shumë Gianluca Mancinin, i cili e sulmoi. Mes tyre ka ndërhyrë Lotito i përmendur, në tentativë për t’i ndarë dhe më pas në mes të turmës ka hyrë edhe Mourinho.

“Çfarë po shikon? – e pyeti Mourinho Lotitën dhe ky i fundit iu përgjigj:

“Unë jam presidenti i Lazios dhe kush jeni ju? Kjo është shtëpia ime dhe ti as nuk duhet të jesh këtu”.

Zhurma më pas vazhdoi derisa trajnerët dhe stafi mbështetës u bashkuan, duke vënë në dukje se Mourinho kishte leje speciale nga FA italiane për të qenë në dhomën e zhveshjes – pavarësisht se ishte pezulluar./Lajmi.net/