Mbrojtësi i Kombëtares së Shqipërisë, Marash Kumbulla është ndëshkuar me karton të kuq në ndeshjen e Romës kundër Sassuolos në Serie A.

Kumbulla u përjashtua në minutën e tretë shtesë të pjesës së parë me karton të kuq direkt pasi goditi me shqelm sulmuesin e Sassuolos, Berardin, shkruan lajmi.net.

Kësisoj, gjyqtari njëherit akordoi edhe penallti për Sassuolon nga e cila shënoi pikërisht Berardi.

Ndryshe, kur ka përfunduar pjesa e parë në stadiumin “Olimpico” rezultati është 1:3 për mysafirët.

Kumbulla kishte një paraqitje të shkëlqyer ditë më parë në Ligën e Evropës kundër Real Sociedad.

Reprezentuesi shqiptar shënoi në atë takim golin e dytë në fitoren 2:0 të “Giallorossi”.

Për ta parë momentin kur Kumbulla godet kundërshtarin kliko KËTU./Lajmi.net/