Vedat Muriqi do të mungojë në ndeshjen e radhës të Mallorcas në La Liga kundër Real Sociedadit.

Sulmuesi i spikatur i ekipit ishullor është i suspenduar për shkak të kartonëve, njofton Marca, transmeton lajmi.net.

Muriqi ndaj Elches u ndëshkua me karton të verdhë duke shkuar në pesë kartonë të verdhë në total.

Natyrisht se mungesa e reprezentuesit të Kombëtares së Kosovës do të jetë e madhe për Mallorcan që synon mbijetesën në La Liga.

Vedat Muriqi ka shënuar 10 gola këtë edicion në La Liga, njëherit golashënuesi i tretë më i mirë i sezonit në elitën e futbollit spanjoll.

Mallorca dhe Real Sociedad përballen të dielën me fillim nga ora 14:00 në kuadër të javës së 25-të në La Liga./Lajmi.net/