Real Madridi ka bërë një tjetër hap prapa në luftë për titull të kampionit në La Liga.

“Mbretërit” kësaj here janë ndalur me barazim nga Real Betisi në udhëtim, në kuadër të javës së 24-të, shkruan lajmi.net.

Ndeshja e zhvilluar në stadiumin “Benito Villamarin” u mbyll 0:0 përkundër rasteve nga të dyja skuadrat.

Los Blancos kishte iniciativën thuajse gjatë tërë takimit, duke rrezikuar disa herë portën e vendasve.

Karim Benzema realizoi supergol nga gjuajtja e lirë në minutën e 12-të, por goli u anulua nga VAR-i, me arsyetimin se mbrojtësi Rudiger kishte prekur topin me dorë teksa topi po shkonte në portë.

Real Madridi është në vendin e dytë me 53 pikë, tani nëntë më pak se Barcelona lidere.

Betisi ka 41 pikë në pozitën e pestë tabelore./Lajmi.net/