Barcelona ka arkëtuar pikët e plota nga përballja me Valencian, në kuadër të xhiros së 24-të në La Liga.

“Blaugrana” triumfoi 1:0 ndaj Valencias në stadiumin “Camp Nou”, shkruan lajmi.net.

Baraspesha në rezultat zgjati deri në minutën e 15-të kur Raphinha kalo Barcelonën në epërsi duke dërguar topin në rrjetë me kokë.

Barcelona kishte mundësi të artë të dyfishonte shifrat në minutën e 55-të, por Torres gaboi nga penalltia.

Katër minuta më vonë, gjërat u vështirësuan për vendasit kur mbrojtësi Araujo u përjashtua me karton të kuq.

Megjithatë, Barcelona deri në fund arriti të ruante epërsinë dhe të rrëmbejë pikët e plota.

Barça ka 62 pikë në pozitën e parë, dhjetë më shumë se Real Madridi që luan sonte takimin e javës kundër Betis.

Valencia është e parafundit me 23 pikë të grumbulluara./Lajmi.net/