Fiorentina i ka dhënë fund ecurisë së Milanit prej katër fitoreve radhazi duke e mposhtur në kuadër të javës së 25-të në Serie A.

Ekipi nga Firence fitoi me rezultat të pastërt 2:1 kundër “Rossonerëve” në stadiumin “Artemio Franchi”, shkruan lajmi.net.

Gonzalez e shënoi golin e parë për Fiorentinën në minutën e 49-të nga pika e bardhë e penalltisë.

Goditjen e dytë dhe të fundit “kuqezinjve” ua dha Joviq tre minuta pa përfunduar koha e rregullt.

Hernandez shënoi golin e vetëm të Milanit në minutën e pestë shtesë.

Bazuar në statistika, Fiorentina ishte më e rrezikshme duke e goditur plot tetë herë portën e Milanit.

Këta të fundit rrezikuan gjashtë herë seriozisht portën vendase.

Me këtë humbje, Milani mbetet i katërti me 47 pikë. Ndërkohë, Fiorentina është e 12-ta me 31 pikë./Lajmi.net/