Manchester City ka marrë fitoren e radhës në Premier Ligë.

Kampioni në fuqi mposhti me lehtësi 3:0 skuadrën e Wolves, përcjell lajmi.net.

Edhe në këtë takim si në pothuajse secilin në këtë edicion shkëlqeu Erling Haaland.

Norvegjezi realizoi tri gola sot, duke e çuar kështu numrin e golave në 25 teksa ka 19 paraqitje në Premier Ligë.

Ky ishte hat-tricku i katërt për yllin e Man City këtë sezon.

Fillimisht gjuajti me kokë në minutën e 40’ dhe i dha epërsinë ‘Citizens’.

Kështu pjesa e parë u mbyll 1:0 në favor të vendasve.

Edhe në 45 minutat e tjerë lojë më të mirë bën City.

Ata gjetën golin edhe dy herë me anë të sulmuesit shtatlartë, Haaland.

Në minutën e 50’ i saktë u tregua nga penalltia dhe dyfishoi rezultatin.

Më pas katër minuta më vonë pas një asistimi të mirë nga Riyad Mahrez norvegjezi e çoi rezultatin në 3:0.

Wolves krijuan disa raste shënimi, por të pamjaftueshme për të tundur rrjetën e Ederson.

Me këtë fitore Man City qëndron në vendin e dytë me 45 pikë.

Kurse Wolves janë në pozitën e 17 me 17 pikë./Lajmi.net/