Kampionia e botës në skijim, Sophie Sorschag do të “fluturojë” për Kosovën.

Federata e Skitare e Kosovës (FSK) përmes një komunikate zyrtare ka konfirmuar se ka arritur marrëveshje me skitaren e kërcimeve me ski, Sophie Sorchag, përcjell lajmi.net.

Sorchag tani e tutje do ta përfaqësojë Kosovën në garat ndërkombëtare.

24 vjeçarja tani është kampione e botës me Austrinë në garat ekipore për vitin 2021, ndërsa vitin e kaluar mori pjesë Lojërat Olimpike Dimërore Pekin 2022.

Marrëveshja mes drejtuesve të FSK-së, kryetarit Milaim Kelmendi e nënkryetarit Bujar Turjaka dhe ekipit të Sorschag, u arrit dje në Ljubljanë të Sllovenisë./Lajmi.net/