Mesfushori i West Hamit, Delcan Rice, ka folur me elozhe për skuadrën e Arsenalit.

Sipas tij, londinezët janë fuqishëm në garë për titullin kampion sivjet në Premier League.

“100% janë në garë për titull. Ata janë një ekip që udhëhiqen nga një trajner jashtëzakonisht mirë dhe mund të shkojnë deri në fund, transmeton lajmi.net.

Ishte një ndeshje e vështirë, sepse pjesa e parë, edhe pse nuk kishim shumë topin, ne u mbrojtëm shumë mirë, kishim një plan, avancuam 1-0, por nuk mund ta përballosh këtë për 90 minuta kundër një ekipi si Arsenali, është e njëjta si kundër Cityt”, theksoi ai pas ndeshjes.

Kjo deklaratë e mesfushorit anglez vjen pas humbjes që mori West Hami ndaj Arsenalit, me rezultat 3-1, në “Emirates Stadium”. /Lajmi.net/