UEFA e ka nisur një hetim për incidentin që ka ndodhur gjatë natës së djeshme në mes të tifozëve të Arsenalit dhe PSV Eindhoven.

Pas përfundimit të ndeshjes, të dyja tifo-grupet filluan të hidhnin gjësende ndaj njëra-tjetrës.

Brenda kësaj katrahure ishin tifozët e ekipit holandez që nuk u mjaftuan me gjuajtjen e sendeve të forta.

Ata shqyen disa nga ulëset e stadiumit, transmeton lajmi.net.

Sipas asaj që bën të ditur Charles Watts, të njëjtët gjuajtën një flakadan në drejtim të fushës, por, fatmirësisht, nuk e qëlloi askënd. /Lajmi.net/