Interi shpreson të rikthejë Romelu Lukakun këtë javë nga lëndimi.

“Nerazzurrët” kanë hyrë në rrugën e rezultateve pozitive, duke marrë së bashku rezultate të mira kundër Barcelonës, Sassuolos dhe Salernitanas.

Besimi është kthyer dhe Interi tani shpreson të marrë sa më shumë pikë që të jetë e mundur në prag të pushimit të Kupës së Botës.

Përveç rezultateve ata shpresojnë edhe në rikthimin e lojtarëve të lënduar.

Siç raportohet nga “La Gazzetta dello Sport”, Lukaku do t’i nënshtrohet një raundi të ri testesh mjekësore sot dhe nëse gjithçka rezulton pozitive, ai do t’i rikthehet sërish stërvitjeve me skuadrën, përcjellë lajmi.net.

Mbetet të shihet nëse përfundimisht do rikthehet belgu në aksion për Interin./Lajmi.net/