Toto Wolff ka dhënë disa komente lidhur me të ardhmen e pilotit britanik, Lewis Hamilton.

Shefi i skuadrës së Mercedes në Formula 1, Toto Wolff beson se Hamilton është akoma në gjendje për të garuar në nivelet më të larta.

Me pak punë nga ana e skuadrës dhe me ndërtimin e një bolidi të mirë, Wolff e sheh Hamilton afër titullit të tetë të kampionit.

“Jam absolutisht i bindur se Lewis mund ta fitojë titullin e tetë me ne. Ai s’do të shkojë askund tjetër, dhe nëse ne i sigurojmë një bolid që është garues dhe ai mund të garojë për fitore, ai do të fitojë më shumë tituj”, ka thënë Wolff, transmeton lajmi.net.

“Për të, pensionimi është akoma larg”, shtoi ai.

Mercedes nuk ka marrë asnjë fitore këtë edicion, me skuadrën e Red Bull që po dominon gjithçka në pistë. Mbetet të shihet se çfarë përmirësime do të bëjë skuadra sezonin tjetër. /Lajmi.net/