Ne Shkup të Maqedonisë së Veriut po mbahet një konventë për trajnerë të shkollave të volejbollit.

Sipas njoftimit Federatës së Volejbollit të Kosovës, trajnerët kosovarë Kastriot Azemi, Rudina Berisha, Lendi Hasimja, Arbenita Bajramaliu dhe Lulzim Krasniqi, po marrin pjesë në konventën për trajnerë të shkollave të volejbollit të organizuar nga CEV mes datave 16-18 shtator, në Shkup të Maqedonisë së Veriut.

Kjo konventë ka për qëllim edukimin e trajnerëve të rinj të volejbollit dhe mbahet në baza vjetore, transmeton lajmi.net.

Rreth 160 trajnerë dhe mësues volejbolli nga e mbarë Evropa po marrin pjesë në ligjëratat e drejtuara nga dyshja John Kessel dhe Kiattipong Radchatagriengkai./Lajmi.net/