Jude Bellingham vazhdon të lidhet me një largim të mundshëm nga Dortmund.

Lojtari anglez është në mesin e mesfushorëve më premtues në botën e futbollit dhe emri i tij lidhet ngushtë me Liverpool dhe Real Madrid.

Megjithatë, Bellingham ka thënë se nuk do të flasë për këto spekulime, pasi do të tregonte mungesë respekti për skuadrën e tij aktuale, Dortmund.

“Klubi ka bërë shumë për mua dhe më ka bërë të ndihem mirë që nga dita e parë dhe më dha mundësi të zhvillohem edhe më shumë”, ka thënë mesfushori anglez, përcjell lajmi.net.

“Të shohësh këtë të kaluar dhe tani të flas për të ardhmen do të ishte mungesë respekti. Nuk është diçka të cilën e mendoj, të jem i sinqertë”, shtoi Bellingham.

Dortmund pritet të kërkojnë së paku 100 milionë euro për të liruar kartonin e Bellingham. /Lajmi.net/