Leandro Paredes vazhdon të lidhet me një largim të mundshëm nga Paris Saint-Germain.

Ylli argjentinas, Paredes mund të largohet nga PSG dhe në garë për të janë Juventus dhe Roma, që ndjekin situatën e lojtarit tash e sa javë.

Megjithatë, siç raportohet së fundmi, Liverpool i është bashkuar garës për mesfushorin Paredes, përcjell lajmi.net.

Lëndimi i Naby Keita dhe problemet e mëdha në mesfushë kanë bërë që Jurgen Klopp të shqyrtojë opsionet e mbetura në merkato.

Mbetet të shihet nëse Liverpool do të bëjë ndonjë ofertë për kartonin e Paredes. /Lajmi.net/