Trincao te Sporting në formë huazimi – portugezët ia paguajnë pagën dhe kanë mundësi blerjeje për 20 milionë
Francisco Trincao pritet të kthehet në Superligën e Portugalisë.
Sport
Lojtari i Barcelonës, Francisco Trincao duket se nuk do të ketë besimin e trajnerit Xavi Hernandez.
Portugezi luajti si i huazuar te skuadra e Wolverhampton sezonin e kaluar dhe tani është kthyer te Barca. Megjithatë, menjëherë flitet për një tjetër huazim të mundshëm.
‘Sport’ bën të ditur se Sporting Lisbona do të marrë shërbimet e lojtarit, përcjell lajmi.net.
Portugezët pritet ta marrin lojtarin në formë huazimi, me mundësi blerjeje për 20 milionë euro.
Po ashtu, gjatë kohës së huazimit, Sportingu do të përkujdeset për 100% të pagës së Trincao. /Lajmi.net/