Skuadra katalane është duke bërë ndryshime rrënjësore në përbërjen e skuadrës, ndryshime këto që kanë nisur që prej merkatos së janarit.

Barca synon të transferojë një emër të madh rreth të cilit do të mund të mbështetej pjesa tjetër e skuadrës, dhe për këtë ka disa emra në listë.

‘Mundo Deportivo’ numëron Erling Haaland, Mohamed Salah dhe Robert Lewandowski si tre emrat kryesor, duke insistuar se njëri nga ta do të kalojë në ‘Camp Nou’, përcjell lajmi.net.

Barca ka si prioritet emrin e Haaland, por norvegjezi kërkohet edhe nga Manchester City e Real Madrid.

Kësisoj, katalanët mund të kthejnë vëmendjen kah Mohamed Salah, i cili po heziton të rinovojë kontratën e tij me Liverpool. Burime të ndryshme bëjnë të ditur se Mo Salah mund të jetë në dispozicion këtë verë për vetëm 40 milionë euro.

Robert Lewandowski po ashtu është në listën e alternativave të skuadrës ‘Blaugrana’. Lojtari ka kontratë me Bayern deri në vitin 2023, dhe mund të bëjë një lëvizje gjatë merkatos së verës. Xavi e ka identifikuar lojtarin si shtyllë të mundshme për sulmin e skuadrës. /Lajmi.net/