Mes thirrjeve masive për sanksionimin e oligarkut pas pushtimit të Ukrainës nga Vladimir Putin, 55-vjeçari, i cili bleu Chelsean në 2003 – thotë se ka marrë vendimin të dhimbshëm për të shitur klubin, transmeton lajmi.net.

Abramovich pohoi se nuk do të kërkojë që Chelsea të paguajë 1.5 miliardë funte që i detyrohet dhe se të gjitha të ardhurat neto nga shitja do të shkojnë në një fondacion bamirësie për viktimat e luftës.

Ndërsa, Abramovich nuk ka gjetur ende një blerës për klubin, miliarderi zviceran Hansjorg Wyss pretendon se tre të tjerë janë kontaktuar nga rusët për të blerë klubin këtë javë pasi kërcënimi i sanksioneve u ngrit në Parlament.

Abramovich e bëri deklaratën vetëm disa minuta përpara se Chelsea të emëronte formacionin fillestar për ndeshjen e së mërkurës në FA Cup, Luton Town dhe në mënyrë të pashmangshme Tuchel u pyet për zhvillimin e fundit pas fitores 3-2 të skuadrës.

I pyetur për reagimin kur dëgjoi lajmin, Tuchel i tha “BBC Sport”:

“Ndoshta e kam dëgjuar pak më herët se ju, por prapëseprapë ishte shumë afër fillimit”.

“Epo, ju e dini, ne i dëgjuam thashethemet gjatë gjithë ditës dhe janë në TV, dhe kur kemi takime të ekipit dhe hamë së bashku, djemtë flasin për të – të gjithë flasin për të”.

“Pra, po, është një lajm i madh, le të presim dhe të shohim për më të mirën dhe të shohim se çfarë do të sjellë dita.”

I pyetur nëse mendon se është vendimi i duhur, Tuchel vazhdoi: “Mendoj se çdo vendim që merr është vendimi i duhur. Është zgjedhja e tij, është klubi i tij dhe nuk më takon mua të komentoj”.

I hetuar se çfarë do të thotë shitja për Chelsean në një afat të shkurtër, Tuchel u përgjigj: “Edhe nëse dua të përgjigjem, nuk e di saktësisht.

“Në një afat shumë të shkurtër mendoj se për ne, si ekip, staf dhe lojtarë, shpresoj se [nuk do të ndryshojë] shumë. Ose ndoshta nuk ndryshon edhe asgjë”.

“Por situata tani është atje, është një situatë e madhe dhe unë mund ta kuptoj këtë, kështu që do të ketë shumë raporte, por ne përpiqemi të bëjmë atë që përpiqemi të bëjmë për të anuluar zhurmën dhe për të qëndruar të fokusuar – gjë që nuk është gjithmonë lehtë”.

“Por ne treguam sërish sot se jemi në gjendje ta bëjmë dhe do të provojmë sërish të shtunën”, deklaroi ai.

Ndërkohë, boksieri i UFC-së, Connor McGregor ka shprehur gatishmëri për të blerë klubin londinez./Lajmi.net/