Një deputete në Britani është kritikuar ashpër për “paraqitjen” e saj në Parlament, pasi ajo shkoi atje me djalin e saj tre muajsh të cilin po e ushqente me gji, transmeton lajmi.net.

Ajo ka rihapur debatin për të drejtat e deputeteve që bëhen nëna.

Deputetja e Partisë së Punës, Stella Krizi u informua se rregullorja nuk lejon askënd të marri me vete fëmijën e tij në seancë.

Ndërkohë, Krizi u përgjigj duke thënë “nuk e dija” pasi kishte marrë pjesë edhe më parë në seancat parlamentare me foshnjën dhe kërkoi rishikimin e masës.

Sipas Krizit, ajo merrte rregullisht djalin e saj me vete madje i jepte edhe gji, ndërsa më parë edhe vajzën.

Krizi, inkurajon nënat të përfshihen në politikë përmes një fushate të quajtur “Kjo mami voton”. /Lajmi.net/