Kolumbiani gjuajti një goditje dënimi përmes murit për të hapur rezultatin këtë mbrëmje, e ndjekur nga goditja me kokë e Daniele Ruganit, një gol i Paulo Dybala nga pankina dhe penalltia e Alvaro Moratas.

“Ishte e rëndësishme të shënonim gola, kjo ndihmon në rritjen e besimit për ne për të përballuar atë që vjen më pas, të cilat do të jenë ndeshje shumë të vështira”, tha Cuadrado për ‘Sport Mediaset’.

“Unë mendoj se ne po gjejmë rrugën e duhur dhe duhet të vazhdojmë kështu tani.”

Juventus do të përballet me Sassuolon ose Cagliarin në çerekfinalen e ‘Coppa Italia’ muajin e ardhshëm.

Cuadrado është një nga disa lojtarë, kontratat e të cilëve me Juventus skadon në qershor, por negociatat kanë ngecur deri në shkurt.

“Jemi të qetë, vetëm duhet të bëjmë punën tonë. Klubi e di se çfarë duam, ne jemi të lumtur këtu dhe do të shohim se çfarë do të ndodhë”, ka përfunduar kolumbiani. /Lajmi.net/