Claudio Ranieri thotë se ai i tha menaxherit të Arsenalit, Mikel Arteta se skuadra e tij nuk ka “nuk ka respekt” pasi ekipi i tij Watford pësoi një humbje 1-0 të dielën.

Arsenali siguroi tre pikët në ndeshjen e Premier Ligë me golin e pjesës së dytë të Emile Smith Rowe.

Por Ranieri ndjeu se ‘Topçinjtë’ morën golin vendimtar për shkak të sjelljes josportive, pasi skuadra e tij e nxori topin jashtë loje për të lejuar të lënduarin Ozan Tufan të merrte trajtim.

Watford priste që ta merrte topin pas rifillimit të lojës, por Arsenali vazhdoi të shënonte, shumë për zhgënjimin e Ranierit.

Trajneri ngriti kundërshtimet e tij për Artetën pas ndeshjes dhe vazhdoi të kritikonte vendasit në një konferencë për shtyp.

“Ne e larguam topin dhe të gjithë prisnin që Arsenali ta kthente topin”, u tha Ranieri gazetarëve pas ndeshjes.

“Sissoko dhe Rose thanë: “Na jepni topin, ne e hoqëm topin jashtë, ishte një lojtar i lënduar”. Pas kësaj ishte shumë e çuditshme.

“Ka pasur një krosim, Kiko Femenia goditi topin me kokë, Sarr e mori topin, për mendimin tim është një faull i madh, por asgjë nuk ndodhi dhe pastaj shënuan golin, ishte shumë, shumë e çuditshme.

“Marrëdhënia jonë [Ranieri dhe Arteta] është shumë e mirë, i thashë se nuk ka respekt kur e heqim topin jashtë. Unë thashë se nuk ka respekt në këtë veprim, vetëm ky”.

Çfarë tha Arteta?
Arteta doli në mbrojtje të ekipit të tij kur u pyet për komentet e Ranierit, por kërkoi falje për ofendimin që mund të kenë shkaktuar.

Ai tha: “Unë duhet të mbroj lojtarët e mi, ekipin tim dhe klubin tim. Ne jemi më të ndershmit nga të gjithë.

“Edhe në disa faza jemi naivë. Nëse ai është ndjerë kështu, kërkoj falje, por nuk ka pasur qëllim”.

Çfarë tjetër për Arsenalin?
Arsenali tani është në një seri fitoresh prej katër ndeshjesh dhe është i pamposhtur në 10 të fundit në të gjitha garat.

Pas pushimit ndërkombëtar, ‘Topçinjtë’ do të rikthehen në Premier Ligë me një udhëtim në Liverpool më 20 nëntor.

Ndërkohë Watford është ende i 17-ti në tabelë dhe dy pikë mbi zonën e rënies. Ndeshja e tyre e radhës është në shtëpi me Manchester United. /Lajmi.net