Kylian Mbappe ka thyer më në fund heshtjen, duke e treguar situatën e cila ishte mes tij dhe PSG-së.

Mbappe ka konfirmuar se ai kishte kërkuar të largohej nga klubi, në mënyrë që klubi i tij të merrte një shumë për të dhe të gjente një pasues të tij.

“Unë kërkova të largohesha [në korrik] sepse nga momenti që nuk doja të zgjasja, doja që klubi të merrte një tarifë transferimi për të pasur një zëvendësues cilësor”, theksoi 22-vjeçari.

“Doja diçka respektuese: thashë, nëse nuk doni që unë të largohem, do të qëndroj”, është shprehur Mbappe. 

Francezi ndër të tjerash ka theksuar se nuk është i vërtetë lajmi se kinse ai kishte refuzuar disa propozizime për zgjatjen e kontratës, duke theksuar se klubi francez atij i ka dhënë shumë dhe është ende i lumtur tek PSG. 

“Unë kërkova të largohesha në korrik, po – por nuk është e vërtetë që kam refuzuar 7 propozime për zgjatjen e kontratës. Paris Saint -Germain më kanë dhënë shumë. Unë kam qenë gjithmonë i lumtur në katër vitet që kam kaluar këtu, dhe akoma jam”, ka përfunduar sulmuesi francez në një intervistë për ‘RMC’. /Lajmi.net