Prindërit shpesh ankohen se fëmijët e tyre hanë si zogj, pak këtu dhe pak atje, ata rrallë i përfundojnë të gjitha ushqimet e tyre, shkruan Living.

Ndërsa familjet luajnë një rol të madh në sjelljen e të ngrënit të fëmijëve, është e rëndësishme të mos bëni gabime që do të ndikojnë negativisht tek fëmijët, transmeton lajmi.net.

Dhe ndërsa pothuajse çdo familje u bën presion fëmijëve të tyre për të ngrënë, është koha të hiqni dorë nga nocioni klasik “sa më shumë aq më mirë”.

Nëse i detyroni të ushqehen edhe kur nuk i hahet do të kenë disa probleme të ndryshme si p.sh:

-Fëmijët mund të mos kenë një shans për të zhvilluar një marrëdhënie të shëndetshme me ushqimin.

Fëmijët duhet të jenë në gjendje të kuptojnë kur janë të uritur dhe kur janë të ngopur. Për të nxitur zhvillimin e sjelljes normale të ngrënies, është e rëndësishme që ata të jenë në gjendje të vendosin se sa duan të hanë dhe të ndalojnë së ngrëni në pikën kur trupi dhe mendja e tyre janë plotësisht të kënaqur.

-Ushqimi është diçka natyrale dhe nuk ka nevojë të lavdërojmë fëmijët e vegjël që hanë mirë. Kur e bëjmë këtë, lavdërimet e fryra i bëjnë ata të ndihen më të pasigurt. Një tjetër gabim që prindërit mund të bëjnë është të qortojnë fëmijët kur nuk kanë pastruar pjatat e tyre, gjë që është gjithashtu e dëmshme për zakonet e tyre të ngrënies.

– Kur jemi duke ngrënë, truri merr sinjale nga hormonet e tretjes, duke rritur ndjenjën e ngopjes. Dhe kur prindërit nuk i lënë fëmijët të dëgjojnë trurin e tyre, shkencëtarët na paralajmërojnë se kjo mund të shkaktojë problem afatgjata. Mbingarkesa, dhe si rezultat, mbipesha midis fëmijëve,  mund të shkaktohen nga këto raste. /Lajmi.net/