Ditët e fundit, ‘Nerrazzurri’ ka pasur probleme të shumta me virusin COVID-19, ku madje është anuluar edhe ndeshja e paraparë të luhej sot (e shtunë) ndaj Sassuolos, transmeton lajmi.net.

Me pesë raste aktive në klub, Antonio Conte kërkon nga skuadra e tij që të mos udhëtojnë për ndeshjet me kombëtaren.

Interi janë në karantinë totale deri të dielën dhe madje as nuk po lejohen të stërviten.

Autoriteti lokal i shëndetësisë do të bëjë vlerësimin e tij të hënën, i cili mund të përfshijë lirimin e lojtarëve për të shkuar në ndeshjet me kombëtare.

Sidoqoftë, trajneri Conte thuhet se është kundër kësaj ideje, pasi ai është i etur për të mbajtur lojtarët e tij në klub./Lajmi.net/