Pas ndeshjes, Sanchez festoi golat duke thënë se ndjehet si një luan në kafazin e tij, çdo herë që luan ndjehet më mirë, transmeton lajmi.net.

Kiliani i ndihmoi klubit të Contes që të marrë fitoren e gjashtë radhazi në Serie A.

“Ishte një ndeshje e mirë, Parma luajti shumë mirë, gjithashtu edhe ne. Në fund treguam se jemi në rrugën e duhur për të fituar Scudetto”, tha Sanchez për Sky
Sport Italia.

Sanchez tregoi se motivimin kryesor “Nerazzurri” këtë sezon e kanë gjetur pasi kanë humbur finalen e Ligës së Evropës.

“Jam një lojtar me eksperiencë të madhe, kam fituar besimin e trajnerit tim dhe jam i lumtur. E dua këtë sport, jam duke punuar si asnjëherë më parë”, përfundoi ai./Lajmi.net/