Nuk ka dyshim se të gjithëve na ka ndodhur, qoftë një herë të vetme që çamçakezi të ngjitet keq në rrobat tona, transmeton lajmi.net.

Kur kjo ndodh, mund të jetë një “surprizë” mjaft e pakëndëshme. Problemi kryesor  në këtë rast është se si mund të rregullohet ketë gjë.

Ne po ju sjellim disa nga mënyrat më të thjeshta dhe efektive se si ta largoni çamçakëzin nga rrobat tuaja, dhe ato do të kthehen sërish në gjendjen e tyre fillestare.

1. Llaku i flokëve (sprajt)

Vendosni një sasi të konsiderueshme sprajti të flokëve në pjesën ku është ngjitur çamçakëzi. Ai do e bëjë atë të forcohet dhe kur të jetë forcuar hiqeni me kujdes dhe dalëngadalë më thikë.

2. Ngrirja

Një ndër metodat ekeftive për të hequr çamçakëzin nga rrobat, është t’i ngrini ato. Vendoseni rrobën në një qese plastike dhe më pas futeni në frigorifer për dy orë.

Pas dy orësh çamçakëzi do të ketë ngrirë, atëhere filloni që ta largoni me majën e një thike ose shtize.

3.Lëngu i limonit

Nëse keni pasur një problem të tillë, a ju ka shkuar ndonjëherë në mendje se limoni do të ishte zgjidhja e këtij problemi?

Rrobën në të cilën ju është ngjitur çamçakëzi vendoseni në një legen të mbushur me ujë dhe me lëngun e limonit, dhe pas disa minutash më anë të një thike ose shtizë hiqeni dalëngadalë çamçakëzin. /Lajmi.net/