Por ky bashkim nuk është aspak i mirë. Sot, interneti pa tel është i pranishëm kudo, në pothuajse të gjitha objektet, madje edhe në kafenetë dhe restorantet ku shpesh qëndroni. Ndërsa lexoni gazetën në telefon dhe pini kafenë tuaj të parë në mëngjes në një bar – një haker mund t’ju ketë “shikuar”.

Hotelet mund të jenë “të rrezikshme”, megjithëse hyrja në internet duket e sigurt. Shumë kompani që merren me këtë temë, të tilla si Kaspersky ose SensePost, kanë theksuar për vite me rradhë se WiFi publik paraqet një “rrezik të madh sigurie”, transmeton Lajmi.net.

Nëse mendoni se një hotel luksoz është më i sigurt se një motel lokal – e keni gabim. Hakerat shpesh krijojnë rrjete Wireless false, të cilat kanë një emër të ngjashëm me hotelin WiFi, dhe kryesisht zhyten në vendet që vizitohen dhe janë të njohura. Pastaj ata presin që “viktima të bjerë në grackë”, për t’u identifikuar.

Sapo një person të lidhet me atë internet, hakerat instalojnë lehtësisht softuer të krijuar për të bërë dëme dhe viruse, të cilat së shpejti do t’iu japin atyre akses në të gjitha të dhënat e “viktimës”. Jo vetëm mysafirët e hotelit ose shitësit e dyqaneve bien në këtë grackë, por edhe një numër i madh i punonjësve që punojnë në distancë. /Lajmi.net