Studiuesit nga Instituti Kombëtar Italian për Astrofizikën (INAF) thonë se kjo është hera e parë që një grup kaq i ngushtë është parë pasi filloi universi, transmeton lajmi.net.

Vrimat e zeza që shfaqen në vitet e hershme të universit mendohet se janë formuar nga shembja e yjeve të parë, por deri më tani astronomët nuk e dinin se si ishin në gjendje të rriteshin aq të mëdhenj.

Vëzhgimet e galaktikave që rrethojnë vrimën e zezë supermasive janë bërë nga Teleskopi Shumë i Madh i Observatorit Jugor Evropian (ESO) (VLT).

Gjetja e këtij rrjeti të ndërlikuar të galaktikave që ‘ushqejnë’ një vrimë të zezë supermasive të hershme sugjeron që ato të rriten në struktura të ngjashme me rrjetën që përmbajnë shumë gaz për t’i furnizuar ato.

Vrimat e zeza supermasive janë fenomene kozmike ekzotike, të çuditshme dhe relativisht të zakonshme, ato shfaqen në qendër të shumicës së galaktikave, përfshirë Rrugën e Qumështit.

Mendohet se vrimat e para të zeza duhet të jenë rritur shumë shpejt për të arritur masat e mëdha brenda 900 milion viteve të para të jetës së universit. /Lajmi.net/