Mbrojtësi portugez, Nelson Semedo, është larguar gjatë kësaj merkatoje nga Barcelona, për t’iu bashkuar skuadrës së Wolverhampton Wanderers.

Lojtari ka folur së fundmi për aventurën e tij në ‘Camp Nou’, duke zbuluar vështirësitë e mëdha që kaloi aty.

“Në Barcelonë niveli ishte shumë i lartë. Unë nuk e arrita nivelin që kërkoja”, ka thënë Semedo, transmeton lajmi.net

“Duhej të adaptohesha në një lojë që nuk isha mësuar. Është e vështirë të përshtatesh me lojën e Barcës”, ishin fjalët e mbrojtësit të krahut të djathtë.

Nelson Semedo kaloi te Wolverhampton për një shifër që preki 35 milionë euro. /Lajmi.net/