Në mesin e 113 modele të makinave të përfshira në databazë, 18 konsiderohen jo të besueshme, transmeton lajmi.net.

Mostra statistikore përfshin modelet e viteve 2010-2017.

Toyota Aygo është një makinë mjaft e besueshme, por edhe VW Fox-it i atribuohen gjithashtu lavdërime.

Nga ana tjetër, ADAC ka vlerësuar se Smart Forfour nuk është i besueshëm (modelet e tipit 2015 dhe 2016 kanë më së shumti probleme) dhe ka probleme me baterinë.

Po ashtu, Fiat 500 është vlerësuar se ka probleme të transmisionit.

Nga veturat e vogla shumë makina janë dëshmuar të besueshme: Audi A1, Citroen C3, Fiat Punto, Honda Jazz, Mazda CX-3, Mini, Mitsubishi Space Star, Peugeot 2008, Renault Captur, Suzuki Vitara dhe Toyota Yaris.

Në klasën kompakte, Audi A3 dhe Q3, seritë BMW 1 dhe 2, klasat X1, Mercedes A dhe B, CLA dhe GLA vlerësohen si të sigurta.

Mercedes Vito, Viano dhe klasa V janë të shkëlqyera, sipas ADAC. /Lajmi.net/