Cristiano Ronaldo nuk ka qenë prezent në ceremoninë e madhe të FIFA, të mbajtur në Milano, për ndarjen e çmimeve individuale.

Ronaldo ishte i nominuar për çmimin e lojtarit më të mirë të vitit, por ai nuk udhëtoi fare drejt Milanos.

Arsye për mungesën e tij mund të jetë edhe një dëmtim që lojtari ka pësuar, për të cilin së fundmi ka njoftuar trajneri i Juventus, Maurizio Sarri, raporton lajmi.net.

Duket se mungesa e Ronaldos i ka lënë me hatër FIFA-n, pasi moderatori i ceremonisë nuk i ka përmendur fare emrin yllit portugez, në emërimin e formacionit të vitit, edhe pse portugezi ishte pjesë e formacionit.

Ky moment mund të ketë qenë vetëm rastësi, por emri i portugezit nuk është përmendur.

Kujtojmë se në këtë ceremoni, Lionel Messi u shpall lojtari më i mirë i vitit. /Lajmi.net/