Gjatë ditëve të fundit është raportuar për një shkëmbim mes Juventus dhe Man City, që përfshinte dyshen Danilo – Cancelo.

Kampionët e Premierligës kanë ofruar edhe 30 milionë euro anash Danilo për të siguruar shërbimet e portugezit, për të përforcuar krahun e djathtë të mbrojtjes.

‘Goal’ konfirmon se braziliani do të ketë një pagë prej 4 milionë eurove në vit, plus bonuset, transmeton lajmi.net.

Cancelo në anën tjetër do të përfitojë 4.5 milionë euro, në kontratën që do të jetë e vlefshme deri në vitin 2024.

Zyrtarizimi i dy lojtarëve pritet të bëhet nesër, kur edhe do të kryhen testet mjekësore. /Lajmi.net/