I shumëkërkuari nga Inter dhe Juventus, Lukaku, është parë në Belgjikë, duke u stërvitur me skuadrën e Anderlecht.

Belgu nuk ka luajtur asnjë ndeshje me Man United gjatë fazës parasezonale, pasi ai e di se do të largohet nga ‘Old Trafford’.

Në pritje të një vendimi, lojtari ka zgjedhur të stërvitet me ish skuadrën e tij, Anderlecht, pasi ai ishte lënë jashtë skuadrës së United, transmeton lajmi.net.

Trajneri i Inter, Conte, është shprehur optimist për transferimin e lojtarit, kurse Juventus janë më konkret, duke dërguar Paratici në Londër për të biseduar me agjentin e lojtarit. /Lajmi.net/