Avni Arifi as nuk e ka respektuar Qarkoren e Ministrisë së Punëve të Jashtme dhe as nuk e ka lënë asnjë të ngarkuar të përkohshëm me punë në Emiratet e Bashkuara Arabe.

Lexo edhe:

Ekskluzive: Darkë e fshehtë në Berlin për Asociacionin me kompetenca ekzekutive

Madje, ai as nuk e ka lajmëruar fare Ministrinë e Punëve të Jashtme, obligim ky të cilin e ka çdo shef i misionit diplomatik dhe çdo diplomat i akredituar në çdo vend pritës, të cilët nuk mund të largohen nga ai vend pa miratimin e Sekretarit të Përgjithshëm, Drejtorit të Përgjithshëm dhe Kabinetit të MPJ-së.

Praktikisht, me shkuarjen e tij të fshehtë në Berlin, ambasadori Avni Arifi e ka mbyllur Ambasadën e Kosovës në Emiratet e Bashkuara Arabe.

Lexo edhe:

Ekipi Negociator nuk kanë qenë të informuar për takimin e fshehtë të Berlinit

Periskopi e ka siguruar qarkoren e brendshme në fuqi të Ministrisë së Punëve të Jashtme, të nënshkruar më 21 mars 2019 nga Zëvendëskryeministrit Behgjet Pacolli, njëherësh Ministër i Punëve të Jashtme, e cila fakton shkeljet e ambasadorit Arifi.

Në pikën 3 të kësaj qarkoreje në fuqi, evidentohet shumë qartë shkelja e Arifit, ndaj të cilit nuk dihet ende nëse do të merret ndonjë masë disiplinore.

Lexo edhe:

Lajmi.net merr konfirmim nga kancelaria e Gjermanisë për takimin e fshehtë në Berlin

“Në rast të largimit të shefit të misionit nga vendi pritës, medoemos duhet të lajmërohet MPJ në Prishtinë, si dhe arsyeja e largimit. As shefi i misionit dhe asnjë diplomat i akredituar në vendin pritës nuk mund të largohen nga misioni pa miratimin e shefit të misionit, gjegjësisht Sekretarit të Përgjithshëm, Drejtorit të Përgjithshëm dhe Kabinetit të MPJ-së”, thuhet në këtë qarkore të MPJ-së.

Kabineti i MPJ-së ditë më parë kishte konfirmuar se nuk kanë qenë të njoftuar për këtë lëvizje të Ambasadorit të Kosovës në Emiratet e Bashkuara Arabe.

Lexo edhe:

Lajmi.net merr konfirmim nga kancelaria e Gjermanisë për takimin e fshehtë në Berlin