Emra të shumtë po përmenden nga mediet italiane, duke filluar nga Antonio Conte, Pep Guardiola e deri tek trajneri i Real Madrid, Zinedine Zidane.

Por, së fundmi raportohet për një favorit të ri për stolin e ‘Biankonerëve’, emër i cili mund të cilësohet si befasi.

Bëhet fjalë për trajnerin e Lazio, Simone Inzaghi, i cili sipas ‘Football Italia’ është në bisedime me ‘Zonjën e Vjetër’, transmeton lajmi.net.

Juventus po synon të emëroj një trajner të ri italian, i cili do të instalonte në skuadër një stil sulmues të futbollit.

‘Sport Mediaset’, ‘La Stampa’ dhe ‘Corriere dello Sport’ shkruajnë se Inzaghi ka kontaktuar dhe i është thënë të pres për informata më të hollësishme.

Inzaghi është në kontratë me skuadrën e Lazios deri në vitin 2020, por ka bërë të ditur tek skuadra romake se nuk duhet të merret me garancë.

Mbetet të shihet nëse gjatë javëve në vazhdim kampionët e Serie A do të konkretizojnë emërimin e Simone Inzaghit në krye të stolit. /Lajmi.net/