Bush, i intervistuar në skenë në një konferencë biznesi në kryeqytetin e Emirateve të Bashkuara Arabe, tha se kishte prova të qarta se rusët kishin ndërhyrë, por nëse kjo ndikoi në rezultatet e zgjedhjeve, kjo është pyetje tjetër, transmeton lajmi.net

“Por ata ndërhynë dhe kjo është e rrezikshme për demokracinë”, tha ai, duke shtuar se Rusia kishte bërë të njëjtën gjë gjatë Luftës së Ftohtë dhe ishte e aftë të manipulonte opinionin në SHBA dhe Evropë.

“Putini është një taktikant i shkëlqyer, i cili ka aftësinë për të zbuluar dobësitë dhe për t’i shfrytëzuar ato”, tha Bush.

Kremlini ka mohuar në mënyrë të përsëritur akuzën e zyrtarëve të SHBA-ve për ndërhyrje në zgjedhje, duke përfshirë edhe zgjedhjet e vitit 2016 në Shtetet e Bashkuara.

Në një kritikë të dukshme të politikave të imigracionit, Bush i bëri thirrje presidentit të tanishëm të SHBA-ve Donald Trump për të bërë ndryshime në rregullat e emigracionit, duke thënë se ishte e rëndësishme të njihet se Shtetet e Bashkuara kishin histori për të mirëpritur njerëzit pavarësisht nga feja ose nacionaliteti i tyre.

“Sistemi ynë është prishur, por ne duhet ta rregullojmë atë. Unë kisha provuar, por pa sukses,” tha ai pa e përmendur Trumpin.

“Është e rëndësishme për ekonominët onë dhe gjithashtu e rëndësishme për shpirtin tonë që sistemi i imigracionit të funksionojë mirë”.

Në Meksikë, ai tha: “Unë shoh atë si një marrëdhënie jetike për ekonominë dhe stabilitetin tonë. Duhet të zbatojmë kufijtë tanë dhe ne duhet të zbatojmë ligjet tona.

“Ka njerëz të gatshëm për të bërë punë që amerikanët nuk do t’i bëjnë. Shumë amerikanë nuk e pëlqejnë punen me pambuk por ka njerëz që duan ushqim në tryezë dhe janë të gatshëm ta bëjnë këtë punë”, përfundoi ai./Lajmi.net/