Klubi bergamask është shumë i kënaqur me formën që ka treguar portieri i kombëtares sonë.

Drejtori sportiv i Lazios, Tare kërkon të përfitojë nga shitja e Berishës për të mbërritur te sulmuesi i ri i Atalantës, Petagna.

Çmimi i kartonit të 28-vjeçarit kuqezi është fiksuar në 5 milionë euro, ndërkohë që numri një i klubit bardhekaltër ofron përveç Berishës edhe 7 milionë euro për të siguruar shërbimet e sulmuesit që është grumbulluar nga Ventura në kombëtaren italiane.

Berisha ka zhvilluar në total 26 ndeshje në Serinë A dhe 1 në Kupën e Italisë duke qenë një ndër portierët më të mirë në Itali.