Jordania ekzekuton 15 persona, 10 prej tyre të dënuar për terrorizëm
Jordania ka ekzekutuar 15 të burgosur, ku 10 prej tyre ishin të dënuar për terrorizëm.
Bota
Të burgosurit, të gjithë me prejardhje nga Jordania janë varur në një burg në jug të Amanit, tha Ministri i Informacionit Muhammad Momani.
Pesë të burgosurit që nuk ishin të dënuar për terrorizëm ishin dënuar për përdhunim dhe sulme seksuale, transmeton Klan Kosova.
Në mesin e të ekzekutuarve ishin edhe ata që ishin dënuar për sulmet në ambasadën e Jordanisë në Bagdad në vitin 2003, sulmin ndaj turistëve në amfiteatrin romak në kryeqytetin e Amanit në vitin 2006, sulmin ndaj zyrtarëve të Inteligjencës në kampin e refugjatëve Baqaa në vitin 2016, si dhe vrasjen e shkrimtarit Nahid Hattar vitin e kaluar.