(I plotësuar 14:15) – Zëdhënësi i policisë nga rajoni i Ferizajit, Agim Gashi ka thënë për lajmi.net, se në vendin e ngjarjes janë tre persona pa shenja jete.

“Tre persona janë në vendin e ngjarjes pa shenja jete. Ne jemi duke shkuar në vendin ku ka ndodhur aksidenti, por ka vonesa pasi rruga është totalisht e bllokuar. Shkaqet ende nuk dihen”, tha Gashi.

Aksident i rëndë në Kaçanik, ka të vdekur (Foto)

Një aksident i rëndë  ka ndodhur në fshatin Gërlicë të Kaçanikut, i cili ka rezultuar edhe me viktima.

Zëdhënësi i Policisë për Komunën e Ferizajit, Agim Gashi e ka konfirmuar këtë informacion për lajmi.net, por që nuk ka mundur të jap detaje tjera pasi sipas tij Policia është në vendin e ngjarjes për hetime.

“Po ka ndodhur një aksident në fshatin Gërlicë, Policia ka dalë në vendin e ngjarjes për informacione tjera ju informojmë pas pak minutash”, është shprehur Gashi për lajmi.net

Informacionet e para tregojnë se personat kanë mbetur të ngujuar brenda automjetit. /Lajmi.net/