Përveç presidentit, kryetarit të Kuvendit dhe kryeministrit që kanë shkuar në stadiumin ‘Loro Borici’ në Shkodër, ata kanë dhënë mbështetje edhe nëpërmjet rrjeteve sociale.

Secili në mënyrën e vet, e kush më herët e kush më vonë, ata  i kanë dëshiruar fitore Kosovës, raporton lajmi.net.

Nga ana e tij, mesazh mbështetje për Kosovën ka dhënë edhe kryetari i AAK-së, Ramush Haradinaj.

“Kosova sot është me zemër në Shkodër me përfaqësuesen e saj”, ka shkruar Haradinaj, duke theksuar se ai do të qëndrojë në Prishtinë për të ndjekur ndeshjen.

Por Haradinaj nuk është  lideri i vetëm i një partie opozitare ai që Kosovës i ka dëshiruar fitore në futboll, raporton lajmi.net.

Një urim e ka bërë edhe Fatmir Limaj i Nismës për Kosovën.

“Sonte paraqitja dinjitoze e juaja është ajo që presim e që s’ka dilemë që ju do ta bëni. Jemi me ju djema!”, shkruan Limaj në llogarinë e tij në facebook.

Por i vetmi nga liderët politik në vend në vend që nuk e  ka thënë asnjë fjalë deri më tash është Visar Ymeri, kryetar i Vetëvendosjes.

Pavarësisht se sonte po luan edhe Shqipëria kundër Lihtenshtajnit, ai nuk e ka shkruar asnjë fjalë për asnjërin nga shtetet./lajmi.net