Për më tepër, partitë opozitare dhe opinioni publik në Kosovë, këtë projekt të financuar nga qeveria serbe, po e quajnë si përpjekje për të kolonizuar veriun e vendin nga Serbia.

Por, përkundër gjithë këtij kundërshtimi, ministri serb në Qeverinë e Kosovës, Jevtiq  edhe njëherë, në një intervistë për RTS-në, ka thënë se ndërtimi i kësaj lagje nuk nënkupton kolonizimin serb në Kosovë.

Jevtiq ka disa ditë që nuk përcjellë agjendën e Qeverisë së Kosovës, nga ku edhe merr rrogë si ministër, duke rënë ndesh edhe me qëndrimet e kryeministrit Mustafa dhe ministrave tjerë, të cilët thonë se ndërtimi i kësaj lagje nuk është në përputhje me planin urbanistik dhe se si i tillë nuk mund të ndërtohet, raporton lajmi.net.

Gjatë intervistës në televizionin publik serb, Jevtiq ka thënë se numri i të kthyerve në krahasim me atë të serbëve të zhvendosur, ka dallim tejet të madh.

“Numri i serbëve të zhvendosur është mbi 200 mijë ndërsa i të kthyerve është 101, për arsye të ndryshme”.

Arsyen që ky projekt të realizohet në pjesën veriore të Kosovës të banuar me shumicë serbe, Jevtiq e ka argumentuar me faktin se në pjesët e tjera, serbët e kthyer nuk kanë mjaftueshëm siguri. /lajmi.net