Çuditërisht, nuk janë bërë shumë filma në lidhje me ngjarjen e vitit 2001, kur janë rrëzuar kullat binjake me sulmin terrorist dhe ende nuk ka dalë ndonjë film i madh që do të mbahej mend dhe do përmendej.

Por, artistët nuk e kanë lënë pa shfrytëtuar këtë ngjarje, e disa prej filmave që ia vlen të shikohen i keni më poshtë:

1. United 93 (2009)
Ngjarje të kohës reale në aeroplanin ‘United Flight 93’, një nga aeroplanët e rrëmbyer në ditën e 11 shtatorit dhe përpjekja e pasagjerëve për ta marrë kontrollin nga terroristët.

2. Farenheit 9/11 (2004)
Edhepse jo një film, ky dokumentar i Michael Moore tregon se çfarë ka ndodhur me SHBA pas 11 shtatorit dhe vështrimet mbi qeverisjen e Bush, dokumentar  ky i cili kur ka dalë për pak sa nuk i ka kushtuar me humbje të mandatit presidentit të atëhershëm.

3. World Trade Center (2006)
Oficerët policorë mbesin të ngujuar në rrënojat e Qendrës Botërore Tregtare.

4. 11’09”01 – September 11 (2002)
Një film e drejtuar nga 11 regjisorë të ndryshëm, ku efektet e sulmit terrorist tregohen në pikëpamje të ndryshme nga vendet e ndryshme të botës.

5. Remember Me (2010)
Dramë romantike e koncentruar në një çift të ri, Tyrel dhe Ali të cilët kanë humbur njerëzit e tyre të dashur: Tyrel vëllain i cili ka bërë vetëvrasje dhe Ali, të cilën po e ndjek ende vrasja e nënës së saj ku edhe ajo ka qenë e pranishme. Filmi zhvillohet pak para ngjarjes së 11 shtatorit dhe tregon se si kjo ditë ka shkatërruar edhe jetët e njerëzve që menzi kanë marrë veten nga ngjarjet që sjell jeta.

Dy nga filmat që kanë prekur këtë ngjarje dhe që ia vlen të shikohen janë edhe ‘Extremely Loud & Incredibly Close‘ dhe ‘Reign over me‘./Lajmi.net