Ilay Gundogan dhe Barcelona, një tregim pa fund. Mesfushori i Borussia Dortmundit ka konfirmuar se nuk do të vazhdojë kontratën me klubin gjerman, në skadim në verën e vitit të ardhshëm.

Andaj, ai mund të kërkojë një skuadër të re tani, ose të largohet i lirë më 2016.

Në ndërkohë, e përditshmja sportive katalane “Mundo Deportivo” e rihap mundësinë e transferimit të tij në Barcelonë.

Gazeta shkruan se reprezentuesi gjerman dëshiron t’i bashkohet gjigantit katalan.

Dhe, brenda javës priten të zhvillohen kontakte të reja mes përfaqësuesit të mesfushorit dhe zyrtarëve të Barcelonës.

Klubi nga Camp Nou nuk mund t’i regjistrojë përforcimet deri në janarin e vitit 2016, por mund t’i realizojë ato, siç bëri me Aleix Vidal që erdhi nga Sevilla.