Nënkryetari i Komunës, Ramadan Hoti tha se kjo është një ditë e shënuar për Gjakovën dhe në këtë datë përulen me respekt për të nderuar sakrificën sublime të dëshmorëve.

Ndërkaq, kryetari i OVL të UCK në Gjakovë, Sadri Hoxha tha se sot si asnjëherë më parë kujtojnë veprën dhe sakrificën e të rënëve në altarin e lirisë.

Në emër të përfaqësuesve të AAK foli kryetari i degës, Pal Lekaj, i cili theksoi se Dita e dëshmorëve të komunës së Gjakovës u kujton edhe një herë për ta çuar në vend amanetin e atyre që dhanë jetën për lirinë e vendit.

Babai i dëshmorit Hysen Mustafa tha se edhe pse djali i tij nuk gjendet sot me familjen, është krenar që djali i tij dha jetën për lirinë që ne gëzojmë sot.

Gjakova në luftën e fundi pati shumë dëshmorë e martirë. /TV Syri/