Zinedine Zidane ka pranuar se dëshiron të bëhet trajner i Real Madridit.

Ish ylli i Los Blancos është duke u përmendur si një prej kandidatëve për pasardhës të Carlo Ancelottit në Santiago Bernabeu.

Dhe, ai ka pranuar se synon të drejtojë gjigantin madrilen.

“Sigurisht, nëse do të më ofrohej mundësia, do ta pranoja”, deklaroi Zidane, gjatë një interviste për “Canal +”.

“Megjithatë, jam i bindur se në këtë moment skuadra ka një trajner të madh, Carlo Ancelotti. Ai është njeriu i duhur për këtë klub, pavarësisht asaj që mund të mendojnë njerëzit”, u shpreh aktualisht trajneri i Real Madrid Castilla.