Ukraina i jep status special lindjes, Rusia e pakënaqur
Deputetët ukrainas kanë miratuar ligjin që u garanton statusin e veçantë zonave të kontrolluara nga rebelët në lindje të vendit.
Bota
Teksti i ligjit përcakton kufijtë e rretheve të veçanta në zonat nën kontrollin e separatistëve pro-rusë, të cilave mund t’iu jepet statusi special me vetëqeverisje të kufizuar, raporton REL.
Kjo masë është paraparë me marrëveshjen për armëpushim, të arritur muajin e kaluar në Minsk.
Ligji po ashtu thekson se zonat e Donjeckut dhe Lluhanskut, që kontrollohen nga rebelët, do të gëzojnë status special pasi të mbajnë zgjedhjet në përputhje me ligjin e Ukrainës dhe nën vëzhgimin e ndërkombëtarëve.
Kjo e fundit ka bërë që ligji të kritikohet nga Rusia dhe rebelët pro-rusë.