Një vlerësim i pambështetur për migrimet masive të kosovarëve
Sipas një instituti, i quajtur Institut Cilësor për Hulumtime, Analiza dhe Trajnime "iCHAT", prapa migrimit masiv të kosovarëve qëndron marrëveshja e fshehtë për hapjen e korridorit migrues, ndërkohë që kjo bie në kundërthënie me konstatimin tjetre tjetër se këta emigrantë pas evidentimit të tyre do të kthehen në Kosovë dhe pastaj nuk do të kenë të drejtë të gëzojnë liberalizimin e vizave.
![](https://lajmi.net/wp-content/uploads/media/image/201502/full/04987200_04993700.jpg)
Lajme
iCHAT vlerëson se migrimet nuk janë procese spontane dhe autonome, por nxiten nga një varg faktorësh të ndërlikuar dhe shpeshherë reciprokisht të kushtëzuar në kohë dhe hapësirë të caktuar.
Kujtojnë se BE ka hapur rrugën apo kanalin Kosovë – Serbi – Hungari, ku pas evidentimit të migrantëve të gjithë do të kthehen në Kosovë dhe do të ju bëhet ndalesë për 5 apo 10 vite dhe ata edhe pas liberalizimit të vizave nuk do të mund të hyjnë në vendet e BE-së për shkak të ndalesës sepse kanë kaluar ilegalisht kufirin për në vendet e BE-së.
“Ne konsiderojmë se është edhe një arsye tjetër pse është hapur ky kanal për largimin e kosovarëve drejt vendeve të Bashkimit Evropian. Shtetet e BE-së së fundi po përballohen me akte të terrorizmit dhe ne e dimë që një nga arsyet për akte terroriste është varfëria, që konsiderohet si njëra ndër arsyet kryesore që inkurajojnë grupe të ndryshme për të shkaktuar veprime terroriste, sepse njerëzit që vuajnë nga uria janë në gjendje të bëjnë çdo akt edhe pse mund të konsiderohet si akt terrorist dhe ne e dimë që është një përqindje shumë e lartë e popullsisë së Kosovës që jeton në varfëri të skajshme dhe është shqetësues bashkimi i shumë shqiptarëve në radhët e ISIS, dhe kjo shërben si një rol për parandalimin e terrorizmit me zbutjen e varfërisë. Prandaj, me largimin e kësaj shtrese nga Kosova do të bëhet një balancim në Kosovë. Largimi i njerëzve do të nxirrte një Kosovë më “normale”- do të uleshin shifrat e larta të papunësisë, do të rritej GDP etj”, thotë drejtori i këtij Insituti, Besmir Kokollari.
Sipas tij, tani gjendja ekonomike ka shkuar duke u rënduar dhe popullsia me varfëri të skajshme dhe të mllefosur nga kjo gjendje janë duke e lëshuar Kosovën në mënyrë masovike dhe të tmerrshme.
“Frymëzimi i tyre i vetëm është se kur shikojnë që në Kosovë kuadrot e diplomuar madje edhe me shkallën e tretë postdiplomike nuk po mund të gjejnë vetën dhe detyrohen të punojnë si kamarier apo edhe punë krahu, çfarë të ardhme presin ata që nuk janë të shkolluar e që janë një numër i madh në Kosovë dhe nga kjo gjendje e krijuar atyre që po migrojnë ju ka humbur shpresa dhe durimi dhe po marrin një rrugë shumë të vështirë për të migruar për një jetë më të mirë”, thotë ai, transmeton KosovaPress.