Ish mesfushori i Real Madridit dhe Barcelonës, Luis Figo ka befasuar duke thënë se gjatë karrierës së tij si futbollist pati rastin të ballafaqohet me futbollistë më të mirë se Cristiano Ronaldo e Lionel Messi.

“Cristiano dhe Messi janë futbollistë që e bëjnë dallimin më shumë se kushdo tjetër. Kisha rastin dhe kënaqësinë të luaj kundër futbollistëve të mrekullueshëm, me siguri edhe më të mirë se ata të dy”, deklaroi Figo për mediat spanjolle.

Figo po ashtu shtoi se Real Madrid dhe Barcelona së bashku me Bayern Munichun e Chelsean janë favorit për të fituar Ligën e Kampionëve.

Ronaldo fitoi Topin e Artë javën e kaluar, duke u shpallur futbollisti më i mirë në botë për vitin e dytë të njëpasnjëshëm.