Duke filluar nga dje, Microsoft nuk do të nxjerrë veçori të reja për Windows 7, por vetëm disa përditësime të sigurisë deri pas disa viteve të ardhshme. Ky padyshim se nuk është një lajm i mirë.

Por, mos u brengosni, pasi që lajmi i mirë është se 56% e përdoruesve të kompjuterit ende e përdorin Windows 7, dhe Microsoft mundet ta përfundojë tërësisht mbështetjen për sistemin operativ deri në vitin 2020, transmeton Lajmi.net.

Microsoft me këtë rast ka filluar favorizimin e Windows 8.1 ndaj atij të Windows 7, dhe kjo nuk është një gjë e re, pasi që kompania pritet që shumë shpejtë ta prezantojë edhe sistemin e ri operativ.

Windows 8.1 nuk ka qenë shumë i suksesshëm, për shkak që Microsoft kishte larguar menynë e startit. Por, kompania sipas raportimeve edhe të mëhershme që i kemi bërë, do ta kthejë këtë veçori në sistemin e ri operativ Windows 10.