Horror në Nigeri: Shpërthime në xhami, 120 të vdekur
Tri shpërthime të njëpasnjëshme kanë vrarë 120 njerëz dhe 260 të tjerë kanë plagosur në një xhami në Nigeri.
Bota
Tri bombat që shpërthyen jashtë objektit në xhaminë qendrore në Kano, dyshohet të jenë vepër e Boko Haram, një grup terrorist islamik.
Sulmi ndodhi në kohën e lutjeve të premten, ku pos 120 të vdekurve, të plagosur mbetën edhe 260 besimtarë.
Asnjë grup nuk e ka marrë përgjegjësinë, por shpërthimi dyshohet të jetë kryer nga Boko Haram, një lëvizje radikale islamike e lidhur me al-Kaedën që ka vrarë mijëra njerëz në Nigerinë veriore dhe detyruar mbi një milion që të lënë shtëpitë e tyre.
Emiri i Kano-s, Mohammad Sanusi II, shpesh merr pjesë në namazin e Xhamisë Qendrore ku sot u krye sulmi. Ai është një kundërshtar i hapur i Boko Haram, dhe dyshohet se pikërisht ai ka qenë një objektiv i synuar i sulmit.
Megjithatë, Emiri besohet që këtë të premte ndodhej në Arabinë Saudite.
Dëshmitarët okularë thanë se shpërthimet ndodhën në oborrin e xhamisë, ndërsa e treta disa metra më larg. (lajmi.net)